鮮‧港式串燒吧 (已搬遷) 新店位置

週末鍾意近近哋去觀塘工廠行下，駱駝漆3期勝在夠集中，多嘢行多嘢買又多嘢食，今次去咗訂生蠔，老公話不如試吓隔離間串燒店吖~呢間串燒店種類都幾多，除左港式串燒連窩仔臘味飯,炸大腸都有,仲有日式野同埋海鮮拼盤~環境都乾淨企理~點左d串燒，飲杯野cool down先下見到店員拎住杯刨冰仲以為係甜品嚟嘅，點知原來係我哋點嘅芥末凍花螺,夠曬冰凍，正呀~拉粒螺肉出黎，入面已經清左d腸。食串燒我必叫燒韭菜，呢度幾大串，仲一D都唔燶~之前試過自己落手燒先知原來燒韭菜真係好考功夫㗎~熊本一口牛 keep住啲肉汁又唔韌，唔過火。燒菠蘿好厚， 一切開啲菠蘿汁流曬出嚟，好甜好juicy~厚切牛脷串，超厚吖!食日本嘢鍾意點既燒飯團糰呢度都有~呢個明太子飯糰外層飯焦脆口，一切開飄出陣陣明太子香味。燒雞皮，脆口既感覺有d似酥皮，酥酥脆脆的白鱔肥美肉厚，魚皮卜卜脆好似炸過咁店員見我地食得慢，等我地食得7788先上煙肉廣島蠔，好細心~仲叫我地趁熱食(一定係見我地係咁影相啦) 煙肉既香味浸哂落蠔，整粒咁食，口感脆軟兼備，兩者獨特既味道令人回味呢度仲有2間可以容納8人既房，人多可以打通既~ 第日家庭聚會又多個選擇啦~走既時候