海鮮島海鮮酒家

營業中

休息中

今日同三五知己係西貢行完山，終點係布袋澳。所以就順路係布袋澳村度睇下有乜好嘢食同手信買返屋企。布袋澳村唔係話好大，所以只得兩間酒家同兩間士多，之後我地就去咗其中一間酒家度幫襯，去咗海鮮島酒家。因為係閒日同交通不方便既關係，所以遊客不是太多，不過難得嚟到呢度，咁就梗係要試吓佢哋啲海鮮啦。雖然餐牌上嘅菜式唔係話太多，但係收費都算好合理。最後叫了貴妃妦、蝴蝶妦、椒鹽鮮魷、紫菜蟹皇飯同海鮮豆腐湯。每樣餸份量都好大碟，飯同湯四個人食都好夠，而最重要係餐廳 D 海鮮真係好新鮮，同平時係街市果 D 真係無得比，海鮮肉厚多汁無得頂，所以真係值得一試。最後布袋澳村仲有手信買添，就係有好多味道既年糕喇，而且全部都係佢地親手製造添。