德哥火鍋專門店 (已結業)

早前相約一班朋友食飯, 較多人食飯, 多數也會揀火鍋, 放題, 今次我地就去了德哥火鍋專門店食飯.來火鍋店, 當然是一心一意諗住打邊爐, 但見到枱上的介紹餐牌, 有一個叫『全港首創浩瀚桑拿海上鮮』, 每位$388, 兩位起, 好想知道是甚麼來, 所以我地決定試一試這個.等了一陣, 終於上枱.一個好大的鍋用錫紙包住.上枱後, 會繼續加熱, 保持熱度.店員就打開它, 再加上蒽粒, 即時香味四濺.原來類似一品窩咁, 以海鮮為主.內裡的材料相當豐富, 包括蠔, 沙巴龍躉, 帶子, 花蛤, 海蝦, 蟹, 雞等…我第一時間食蠔. 蠔好大隻, 蠔味幾重, 夠滑身, 唔會覺得乾.帶子夠鮮甜, 幾彈牙.沙巴龍躉好大條, 魚肉相當嫩滑, 色澤又夠雪白.海蝦不算好大隻, 但勝在夠爽口.花蛤肉質幾鮮味, 帶點口感.鍋內的海鮮食咗一半左右, 就可以加入豆腐卜和生菜.這樣吸收晒海鮮的精華, 特別鮮甜. 若果發現唔夠湯, 可以叫店員幫你添加.就咁食海鮮和配料未必夠飽肚, 最後, 仲有烏冬.烏冬幾彈牙, 同樣吸收晒海鮮的精華, 特別好味.這個海鮮鍋都幾好味, 但份量夠唔夠就每個人不同, 不夠可以加錢再加食物, 若果覺