打邊爐海鮮火鍋燒烤店 (已結業)

一week容易又thursday!!近排同同事們興起happy thursday，基本上每週星都熱烈地彈彈熱烈地唱！餘興節目當然就係大圍Dinner同宵夜啦！今次就踏足平時比較少到嘅土瓜灣 ，兩架的士，向「打邊爐海鮮火鍋燒烤店 」出發！呢個餐廳名比較特別，直接將「打邊爐」搬上店名。入內裝橫比較簡單，有種簡樸味。象拔蚌刺身見餐廳主打海鮮，所以梗要試試佢呢個象拔蚌刺身！碎冰上係一塊塊切得薄片嘅象拔蚌色澤鮮明，充滿光澤感，加上撲鼻而來嘅海水咸香，味蕾即時躍動！入口果然亦不負眾望，鮮味突出，入口爽滑有咬口！花膠雞煲刺身後入正題，order咗個花膠雞煲，滋補值十足 （個煲都好特別，哈哈！）首先驚喜嘅係餐廳竟選用烏雞，值得一讚，始終比較常見嘅topbsmh雞煲郣只係用普通雞，佢識用烏雞，自然就更具營養價值啦！另外花膠亦完全唔「姑寒」，一煲有成十幾嚿，仲要大大塊，正！！配料方面，個人比較喜歡嘅有以下幾款牛類：叫咗個牛頸脊同安格斯牛，兩款都好重牛味，最重要係唔會太肥，油脂分佈平均，對於怕肥但又愛牛嘅人嚟講簡直係必試！午餐肉：唔好以為午餐肉濕濕碎，本人就試過好多餐廳邊爐嘅午餐肉完全唔in quality