影片
更多
2008-03-05
32 瀏覽
想起好耐都無去食大排檔，於是行去呢度﹗就係祥正飯店﹗感覺好似好耐無來呢﹗蒜蓉開邊蝦，個高佬待仔激烈推介，又話咩招牌菜又話咩人人都叫又話咩唔食過會後悔等等.....蝦細隻開邊，睇落八隻都無，蝦身蒸得過老不爽，肉質綿綿的﹗收我一百二十蚊﹗你地好野﹗自從我落手下廚之後，而家食飯成日都會諗番如果0係街市買會值幾多錢，呢0的蝦街市臨收工我買過20蚊一斤仲要大隻過佢﹗唔抵呀﹗下次記住唔好叫.....再來一個辣酒煮花螺貝殼類好似帶子呀、蜆呀、扇貝等所有野我一向都好鍾意食﹗螺呢家野係好味不過當然最麻煩就係要挑0的肉出黎，對我呢0的連掃個地都懶的人來說真係十分超級麻煩﹗整到成手dirty哂﹗第一次0係呢度食，螺很細隻，同出面食的差成倍size﹗開始嗜辣但怕辣的我覺得一0的都唔辣，完全無辣味亦都無酒味，所以我美其名只能叫佢做豉椒炒花螺﹗不過肉質爽甜彈牙新鮮﹗總好過0的蝦.....不過辣酒唔辣就真係差0的喎祥正﹗最後唔夠飽整多個椒鹽豆腐，呢樣簡簡單單味道就保持水準了﹗惹味夠飽肚佐酒一流﹗不過我都係鍾意出面食會切到一粒粒，呢度成舊磚咁大舊送酒唔夠自然﹗好似比當年差左﹗
蒜蓉開邊蝦，個高佬待仔激烈推介，又話咩招牌菜又話咩人人都叫又話咩唔食過會後悔等等.....
蝦細隻開邊，睇落八隻都無，蝦身蒸得過老不爽，肉質綿綿的﹗收我一百二十蚊﹗你地好野﹗
自從我落手下廚之後，而家食飯成日都會諗番如果0係街市買會值幾多錢，呢0的蝦街市臨收工我買過20蚊一斤仲要大隻過佢﹗唔抵呀﹗下次記住唔好叫.....
再來一個辣酒煮花螺
貝殼類好似帶子呀、蜆呀、扇貝等所有野我一向都好鍾意食﹗螺呢家野係好味不過當然最麻煩就係要挑0的肉出黎，對我呢0的連掃個地都懶的人來說真係十分超級麻煩﹗整到成手dirty哂﹗
第一次0係呢度食，螺很細隻，同出面食的差成倍size﹗
開始嗜辣但怕辣的我覺得一0的都唔辣，完全無辣味亦都無酒味，所以我美其名只能叫佢做豉椒炒花螺﹗不過肉質爽甜彈牙新鮮﹗總好過0的蝦.....不過辣酒唔辣就真係差0的喎祥正﹗
最後唔夠飽整多個椒鹽豆腐，呢樣簡簡單單味道就保持水準了﹗惹味夠飽肚佐酒一流﹗不過我都係鍾意出面食會切到一粒粒，呢度成舊磚咁大舊送酒唔夠自然﹗
好似比當年差左﹗
張貼
