影片
更多
2019-03-18
873 瀏覽
好耐無食雞煲又無打過邊爐，見到呢個海鮮套餐，可以滿足晒兩個願望。記得like 埋 fb, 餃菜菇響鈴都可以任食。✨先黎個冷盤，花螺食落爽口無沙都唔錯✨跟住就上雞煲，由於我哋唔食得辣而且冇得走辣，所以唯有叫個BB辣。個雞真係超嫩，而且辣得好惹味，呢個辣度對我地來講都OK,食食下會上癮。✨湯底係原隻波士頓龍蝦湯，龍蝦肉夠爽彈，而且個頭仲勁多膏。✨海鮮拼盤d 海鮮好新鮮，鮑魚同埋貴妃蚌都仲識郁嫁。menu 上面有唔同海鮮要煮既時間，跟住佢黎煮真係啱啱好，唔會老晒。 ✨最鍾意大蜆，d 肉勁飽滿，入面好多汁。鮑魚熟左都無乜縮水，keep 住勁大隻， 仲要一d 都唔韌。大蝦，貴妃蚌，廣島蠔都真係鮮味十足，非常新鮮。✨菇菌拼盤同蔬菜都好fresh, d 菇索左湯汁勁juicy, 又帶點龍蝦湯味，完來用大啡菇打邊爐係咁好食。✨牛肉同牛柳粒牛味好濃好好味，不過可惜份量太少，唔夠喉。✨本身覺得野食份量唔算好多，但食埋d 餃同丸超飽。手打丸類最正係墨魚丸，味道好鮮，牛丸黑椒味濃，豬肉丸略嫌唔夠彈口。✨餃類有魚皮餃，水餃，雲吞， 白菜餃， 皮夠薄，我最鍾意白菜餃。✨魚皮都好薄好鬆化， 仲有響鈴～～埋單之後仲有
✨先黎個冷盤，花螺食落爽口無沙都唔錯
✨跟住就上雞煲，由於我哋唔食得辣而且冇得走辣，所以唯有叫個BB辣。個雞真係超嫩，而且辣得好惹味，呢個辣度對我地來講都OK,食食下會上癮。
雞煲
25 瀏覽
0 讚好
0 留言
✨湯底係原隻波士頓龍蝦湯，龍蝦肉夠爽彈，而且個頭仲勁多膏。
✨海鮮拼盤d 海鮮好新鮮，鮑魚同埋貴妃蚌都仲識郁嫁。menu 上面有唔同海鮮要煮既時間，跟住佢黎煮真係啱啱好，唔會老晒。
鮑魚，大蜆，貴妃蚌，大蝦，蠔
18 瀏覽
0 讚好
0 留言
✨最鍾意大蜆，d 肉勁飽滿，入面好多汁。鮑魚熟左都無乜縮水，keep 住勁大隻， 仲要一d 都唔韌。大蝦，貴妃蚌，廣島蠔都真係鮮味十足，非常新鮮。
✨菇菌拼盤同蔬菜都好fresh, d 菇索左湯汁勁juicy, 又帶點龍蝦湯味，完來用大啡菇打邊爐係咁好食。
✨牛肉同牛柳粒牛味好濃好好味，不過可惜份量太少，唔夠喉。
✨本身覺得野食份量唔算好多，但食埋d 餃同丸超飽。手打丸類最正係墨魚丸，味道好鮮，牛丸黑椒味濃，豬肉丸略嫌唔夠彈口。
✨餃類有魚皮餃，水餃，雲吞， 白菜餃， 皮夠薄，我最鍾意白菜餃。
✨魚皮都好薄好鬆化， 仲有響鈴～～埋單之後仲有西瓜同雪米糍送😍雪米糍係日本牌子，抹茶紅豆味好正。
張貼
