壹蒸鍋

大學同學從瑞典返港，難得來個「拋夫棄子」ladies night!!選了近年香港好興的蒸海鮮來吃個飽！今次來兆萬的「壹蒸鍋」，見openrice都好多人讚！即管試下係咪咁好食！由於只能BOOK 630或830，我地就唯有BOOK830然後早到等下睇有冇得早入，我收工730已經去到，好彩門口都有幾張椅比人坐，見到現場都有人等仲拎住籌號，但我可能BOOK左所以個姐姐又唔比籌，等到差不多人齊同傾左一陣終於有得入！價錢寫得好清楚，我地選了龍蝦海鮮蒸窩，不過龍蝦每人得半隻仔，我覺得加唔加都分別不大！在主菜黎到之前，佢自動送上幾樣小食，頂下肚都好，同埋可以自己出去揀野飲，款式都算多既，仲有好多醬料比你自己撈。海鮮窩黎到就開始計時蒸啦！夠鐘都有店員來幫手，有鮑魚、扇貝、海蝦、蜆、龍蝦、龍躉，仲有炸蒜和粉絲。全部都好新鮮好好味！不過淨食呢個當然唔夠飽啦！所以之後就係自選項目，不過我就慣左用呢D料黎打邊爐，要黎蒸總好似怪怪的，咁又唔係唔好食既！當然唔夠海鮮吸引啦！最後食埋個粥底，好鮮甜，好好味！食到超飽，不過臨走還是忍唔住食番支雪條和雪米磁，哈哈！整體黎講食物和款式都不錯，不過兩小時有少少趕，如果可以坐