新南苑私房菜火鍋鷄煲 (華僑商業中心) (已搬遷) 新店位置

冬天到打邊爐繁忙季節，這個月己食了好多間不同種類的火鍋，今晚就同朋友食呢間［新南苑私房菜火鍋雞煲］，位於旺角中心旁，地點方便，場內又大又有私人房間，不過私人房要每人加$20。聽個名就知有火鍋雞煲私房菜食，我地揀左$268任飲任食套餐，首先食左個雞煲先再打邊爐，好處係可以食雞煲無限食，個雞煲侍應每隔五分鐘翻炒三次先有得食，甘先保持到雞的嫩滑，最特別佢有落炸両，口感脆。到最後係食火鍋，一來就有大大盤的海鮮，分別有：鲍鱼，蟶子皇，濑尿虾，蝦，生蠔等，簡直可以食回票價，款款海鮮新鮮又甜，一d霉味感覺也沒有，另外丸入邊我要重點介紹竟然有小籠湯包，有支旗仔指示可以放湯6-8分鐘，口感不輸洩出面上海餐廳的小籠包，蔬菜飲料可以出來任拎，其他可以在紙上點，最後飽載而歸，值得一讚服務態度好。特別是我還可以試試佢9:30後$178任飲任食的雞煲加火鍋另有送加拿大海膽