鍋卷鳴門 (已結業)

最近係網上見到有人介紹一間任食海鮮勁正，正嘅原因除左新鮮外，佢地有d海鮮都與平時任食餐廳有d唔同。海鮮自己出去自己夾，有九節蝦、瀨尿蝦、鮑魚、蜆、蟶子等，隻隻新鮮生猛，夾嘅時候都要小心，要快手放入冰水，甜品、飲品、蔬菜類都係外面自取。食海鮮當然要食佢嘅鮮味，所以我地揀左湯底無咁濃嘅傳統鰹魚清湯。原本今日目標係食斑馬瀨尿蝦，不過今日無供應，所以大家都要留意佢地每日供應海鮮都會唔同，而我唯有轉食瀨尿蝦，生猛得黎都好大隻，多肉多汁勁鮮甜。除左瀨尿蝦點可以錯過另一款九節蝦，肉質勁爽彈，蝦膏甜到不得了。大家唔好淨係掛住食瀨尿蝦同九節蝦，佢地鮑魚和蜆都好新鮮。除左海鮮，佢地重有其他野食可以用手機落單，生蠔、天婦羅、清酒煮蜆、各款牛肉、枝豆等。