Shine (已結業)

經過附近一頭，諗起上次黎呢度食過一次都唔錯，今晚再黎食下先。🐥香草孜然單骨雞翼 $48 表層撒上黑芝麻，令整體更香口。🦀🍍黃金蟹餅配菠蘿莎莎 $118外層係吉列炸皮，裡層滿滿蟹肉，外脆內軟，旁邊的菠蘿莎莎好清新。🥩🧀燒澳洲M4和牛薄切 $168之前黎都食過一次，肉質軟淋，配上黑醋、薄片芝士、火箭菜，層次感高，味道不錯，但今次份量比上次少左🤔。🦑🦐海鮮墨汁意大利飯 $188海鮮材料都幾豐富，魷魚份量多。帶子尤其好食，煎得夠香，口感剛好。蝦都要一讚，新鮮彈牙，連青口都好香好味道。意大利飯軟硬度適中，墨魚汁味香濃突出，如果有得轉意粉就very good。🍏🍎玫瑰蘋果金寶 $78呢個真係驚喜，上次一直想叫，但朋友話太飽先無食到。估唔到會加乾冰上枱，煙霧瀰漫過後就係期待已久的甜品😍。青蘋果片乾身左d，最中意食中間芯既蘋果果肉，整體都好好味。🥝Yogurt-Kiwi $58 叫左走cream，酸酸甜甜都幾好飲，而且表層既奇異果肉係甜。