緣味小聚 (93WYS)

營業中

休息中

有日同朋友傾起想食海鮮蒸氣鍋，佢就介紹咗一間喺觀塘嘅偉業街嘅緣味小聚俾我。呢間係任食180分鐘，可以慢慢嘆慢慢食！今日就決定同屋企人嚟呢度試一試！首先，上咗個海鮮盛盤，真係好豐盛，起碼有六款海鮮！蒸咗帶子先，好肥美又鮮甜！跟住就蒸海生蝦啦，我最鍾意就係清蒸蝦，因為清蒸蝦可以令蝦嘅肉質保持柔軟，口感都會好嫩滑！輪到蒸肉蟹，daddy就最鍾意食蟹㗎喇，蟹好鮮味同多肉，而且蟹肉都好嫩滑，仲要勁多蟹膏，daddy食到津津有味！呢度嘅小食都係任食，尤其佢個鴨腎，好惹味，今餐好鬼值得！