JK Brother's Gold (已結業)

海鮮自助撈放題～任飲任食兩個鐘！有海鮮，肉類，刺身，燒烤，炸物，火鍋配料同雪糕以及各式甜品！🔸 海鮮選擇有大頭蝦，沙白，聖子，牛奶蜆，青口，螺！全部都係自己夾，隨便撈！各樣海鮮都十分鮮美，大頭蝦滿滿蝦膏；牛奶蜆同沙白，十分飽滿鮮甜；聖子雖然比較細，但係肉身緊實！活海鮮，無死霉霉👍🏻🔸肉類豬肉羊都有，比上不足，比下有餘😅🔸刺身選擇比其他日式放題少，但質量ok！比較鐘意嘅係醬油蝦同醬油鮑魚，醃製得幾好！鮮甜，唔會死鹹😋🔸火鍋配料各式丸類，但蔬菜比較少選擇，青菜只有生菜🥬🔸 炸物吉列炸蠔，炸蟹鉗，炸帶子，炸芝士，中規中矩，都係攞貨款式。🔸 燒烤燒雞翼，燒大頭蝦，燒菠蘿！燒大頭蝦幾惹味，而燒菠蘿又解解膩！🔸甜品可以自己即制waffle ，另外有雪糕，雪條選擇豐富！由於太飽，食唔得多，所以同朋友一齊分享個海鹽味雪糕，微甜，幾特別！總括🔹大概$370一位（連加一）如果係海鮮愛好煮就幾值得一試。如果唔係，可能呢個價錢就可以有其他更好嘅放題選擇。