影片
更多
2019-06-03
302 瀏覽
海鮮控出動日！超級抵食+好食原味蒸氣海鮮！私心100萬個推薦❤️$288一個人就可以食到10道海鮮，仲要免收加一！雖然價錢平，但全部海鮮都好新鮮！！十層不鏽鋼蒸籠好霸氣，全部食材同海鮮都放曬係入面。餐牌列出曬每項海鮮既最佳蒸煮時間，確保客人可以食到最佳口味。首先係是日精選無添加清燉湯，我已經唔記得咗當日係咩湯😂，但係總之就係好飲架啦。蒜蓉粉絲蒸波士頓龍蝦：龍蝦超級大隻，好肥美肉厚，肉質非常鮮甜，開邊之後鋪上蒜蓉同粉絲，蒸6分鐘就食得。雖然每人得半隻龍蝦，但係因為龍蝦好大隻，所以其實每個人都食到啖啖肉。菓皮蒸十頭鮮鮑魚：我唔算係非常熱愛鮑魚既人，但係呢個鮑魚真係整得好好食！鮑魚好厚肉，本來驚會好靭，但係點知好易切開，咬落去肉好嫩好軟🤤，加上果皮吊出鮑魚既鮮味，真係好正。蒸大鱔可選豉汁/梅子：我本身都幾鍾意食大鱔，奈何唔係好多餐廳整得好食。但係呢個鱔真係好正！只係好簡單用豉汁去蒸，已經帶出到鱔既鮮甜。鱔件入口彈牙，帶少少肉分真係好香。清蒸生猛海蝦：好新鮮呀！肉質爽彈，蝦味好鮮甜好新鮮！點一點醬油同辣椒碎，少少微辣既味道真係令人食唔停。清蒸花尾龍躉：新鮮龍躉真係唔係成日食到架！每片都好厚切，魚
超級抵食+好食原味蒸氣海鮮！私心100萬個推薦❤️
$288一個人就可以食到10道海鮮，仲要免收加一！雖然價錢平，但全部海鮮都好新鮮！！十層不鏽鋼蒸籠好霸氣，全部食材同海鮮都放曬係入面。餐牌列出曬每項海鮮既最佳蒸煮時間，確保客人可以食到最佳口味。
首先係是日精選無添加清燉湯，我已經唔記得咗當日係咩湯😂，但係總之就係好飲架啦。
蒜蓉粉絲蒸波士頓龍蝦：
龍蝦超級大隻，好肥美肉厚，肉質非常鮮甜，開邊之後鋪上蒜蓉同粉絲，蒸6分鐘就食得。雖然每人得半隻龍蝦，但係因為龍蝦好大隻，所以其實每個人都食到啖啖肉。
菓皮蒸十頭鮮鮑魚：
我唔算係非常熱愛鮑魚既人，但係呢個鮑魚真係整得好好食！鮑魚好厚肉，本來驚會好靭，但係點知好易切開，咬落去肉好嫩好軟🤤，加上果皮吊出鮑魚既鮮味，真係好正。
蒸大鱔可選豉汁/梅子：
我本身都幾鍾意食大鱔，奈何唔係好多餐廳整得好食。但係呢個鱔真係好正！只係好簡單用豉汁去蒸，已經帶出到鱔既鮮甜。鱔件入口彈牙，帶少少肉分真係好香。
清蒸生猛海蝦：
好新鮮呀！肉質爽彈，蝦味好鮮甜好新鮮！點一點醬油同辣椒碎，少少微辣既味道真係令人食唔停。
清蒸花尾龍躉：
新鮮龍躉真係唔係成日食到架！每片都好厚切，魚皮充滿膠質，肉質嫩滑，食到滿滿既魚油脂肪。
油鹽水蒸時令大蜆：
新鮮既大蜆就係簡簡單單用油鹽水去蒸已經食到大蜆既鮮甜，肉質爽滑大大粒肉。
蒜蓉蒸扇貝蟶子皇：
超大隻蟶子皇，除咗新鮮好味之外我都已經諗唔到其他形容詞啦，總之就好食啦。蒜蓉蒸扇貝又係冇得輸，正呀，正呀！
梅子蒸長筒魷：
食到呢度其實已經飽到上心口，咁啱呢道魷魚用咗梅子去蒸，酸酸甜甜令人唔會覺得好滯。下面鋪底嘅粉皮都唔可以錯過，半透明薄薄既粉皮淡淡地好好食。
梅菜蒸菜心：
其實我唔鍾意食菜心，不過呢個用梅菜蒸嘅菜心又出奇地好食，菜心吸收左梅菜嘅鹹香。
源記荷葉蒸蟹飯：
壓軸嘅係荷葉蒸蟹飯，老實講我已經飽到就嚟毆出嚟😆，但係冇理由最後一道菜唔食㗎嘛，米飯吸收左蟹肉、蟹膏、金蒜嘅精華入口好甘香，令人回味無窮！
精選糖水：是日糖水係木瓜雪耳，食完咁多海鮮之後飲返啖木瓜真係清甜消滯！即埸打卡仲送飲品架🤣🤣🤣
我真係未打過咁仔細嘅食評，但真係好好食，真心推介！！
ps 店員叔叔全部都好好人，好好傾！☺️
張貼
