I Leisure (已結業)

鍾意食海鮮又鍾意重口味，呢間主打食 shake shake 海鮮既「I LEISURE 」就岩哂我，店舖裝修亦都別俱心思，每枱好似個雀籠咁罩住，坐落似卡位，但比卡位開揚。而且燈光調較得比較暗同播住音樂，，除左食飯之外，仲係個摸酒杯底既好地方Platter B（＄558）五種海鮮shake shake袋，店員會將你揀既海鮮加埋可自己選擇辣度既秘製既泰式醬汁裝埋係個袋度，拎到你面前再幫你shake暈佢。一打開個袋就聞到好吸引既蒜香味。今次我食左扇貝、大蝦、青口、大蜆同鮑魚5種海鮮，另外仲會有粟米同香腸等等既配料，醬汁雖然辣辣地，但完全冇遮掩到海鮮既鮮甜，2者味道好夾火焰雞翼($98)打卡必點,店員會即場將玫瑰露酒點火,再倒落已經煮好既雞翼度，隨住火光熄滅計代表已經食得,雞翼入口有酒香味，而且經過輕輕一燒令醬汁焦糖化，仲食到淡淡既焦香味，味道甜甜地,好開胃龍蝦包($238)餐廳非常揼本用原隻波士頓龍蝦拆肉,龍蝦肉爽口彈牙而且好鮮甜,麵包亦都好細心咁預先烘熱左,每一口都啖啖龍蝦肉,非法滿足,而薯條亦都係即叫即炸,外脆內軟而且熱焫焫,份量都唔少,淨係食佢都夠飽