一樂小鍋 (已結業)

2人叫左海鮮餐，海鮮有蟹、聖子、蝦、鮮魚件、蠔同貝類，全部都新鮮，當中蟹同聖子最推薦，蟹爆晒膏，而且肉質好鮮甜同有彈性，質素高，size 都夠大，2個人有一隻大蟹，另外聖子都好好食，蝦就不過不失啦。除咗海鮮外，重可以揀多6款配料，我地點左d 菜、粟米、炸魚皮、豬肉片等等，粟米要讚，好甜，炸魚皮好大碟好香跪。聽到隔離枱讚韮菜餃好食，老闆話係自己包嘅，下次再黎會試下。食到中段，大家都已經飽晒，食物份量好足夠，最後重會加埋飯落去煲粥，煲出黎嘅粥好鮮甜，大滿足。。另外，餐廳服務都好好，老闆好nice, 跟得好足，臨尾重好耐心幫我哋煮個粥。。由於晚市只做一輪，所以可以慢慢食，唔會好似其他餐廳有限時趕住要交枱。。總結，呢間餐廳係食物同服務方面都好好，249一位，Openrice 訂枱重有9折，性價比高👍🏻