潮福蒸氣石鍋 (已結業)

假日食飯時間都唔洗等位，食完都仲有大把位。我諗應該係貴得滯。唔講呢d住，講下d食物先。海鮮一般黎講只要新鮮就好食，佢都係放落去係咁蒸。所以都唔會差得去邊。海鮮係好新鮮，份量都ok。平時食海鮮要叫下d飯、麵先飽。但係呢餐剩係食海鮮都食飽。唯一要彈係蒸爪爪菜菜，可能覺得好普通，蒸完白 “sai sai” 又冇咩特別，甜就甜喇，但唔知有咩特別。最後最特別，精華所在緊係個粥底啦，吸收晒d日月精華，唔好味都難啦，好甜好甜，我食左3大碗。埋單都覺得貴，但食海鮮我諗 又差唔多既。最後每位近$500。