生記茶餐廳 (已結業)

朋友都知我鍾意食海鮮，成日都會介紹d食到正海鮮嘅餐廳俾我去試。前排住紅磡嘅好友話紅磡有間食海鮮嘅茶餐廳好正，一於去試下。朋友話唔洗去澳門都食到靚蟹粥，粥好綿，蟹都幾好肉，成煲粥都幾鮮甜，不過我都係覺得澳門蟹粥好食d😜籠仔蒸蜆飯，幾出色，蜆又多，d飯吸引左蜆汁同蒜香味，熱辣辣，冬天食真係正！仲試左樣特別野，蠔仔水晶粉卷。水晶粉滑溜，蠔仔鮮甜，有驚喜。炸八爪魚丸都好彈牙，仲有一粒粒八爪魚肉，感覺都幾足料。