六十六十火鍋 (已結業)

好想打邊爐呀！老公成日都嫌天氣熱唔肯同我打邊爐，呢排落雨涼返啲，佢終於陪我去想食好耐嘅六十六十。見到張菜單，以為每行揀幾樣，點知同一行可以圈曬咁滯！十幾樣火鍋料，仲要有海鮮，真係超豐富，注意三高人士真係要小心啲呀XD椰子雞煲入面有馬蹄、竹笙、椰子肉，滾水後落雞浸7分鐘，雞肉又甜又嫩滑！而海鮮方面，竟然有我挚愛嘅多寶魚，用黎打邊爐真係勁滑囉！貝量份量又足，成大桶花甲，食完一隻又一隻，好滿足呀～～～蔬菜方面又有我超鐘意嘅萵筍同淮山，真係好興𡚒！