金海閣海鮮火鍋專門店 (已結業)

最近天氣凍凍地，特別想出去打翻次邊爐，於是就帶埋Dady同mummy一齊嚟金海閣打邊爐啦⋯⋯暖粒粒好舒服吖 我地點噶係醉雞湯底，鍋底有半隻雞，份量都幾大下，而且三個人食可以食得好飽啦酒味好濃，另外藥材味都好濃，拿嚟做湯底最啱啦 點左啲雞肉，雞肉好新鮮，可以放心食。拿個湯底煮熟佢，食落去就會有好濃郁噶藥材味同埋酒味，滲曬入雞肉入面！ 跟著再點碟肥牛，打邊爐點可以無肥牛呢，而且佢呢度啲肥牛好靚好新鮮，肥肉同瘦肉好均勻，而且厚薄程度啱啱好 熟左之後係瘦肉噶部份比較多，啱曬我口味