六十六十火鍋 (已結業)

天氣凍凍地，收工同老公兩個人又想打邊爐又懶得買野返家洗同買，決定出去打邊爐，平時放工都經過六十六十鍋好多人排隊，我哋今日8:30去到 好快安排我哋入座，我哋見到有三個湯底選擇，決定左粥底，見到點紙第一行是海鮮，第二行是配料，後面有飲料，野飲都多選擇。一開始會黎左我哋選擇海鮮：海蝦、鮮魷，蜆、 蟹、鮑魚、帶子等我們食完海鮮，佢地先再上配料，個時可以放芋頭粟米南瓜落去煲，之後配料開始慢慢上台，蜂蜜豆腐，牛肉，唐生菜，墨魚滑、響鈴、 我地食完之後落粥落去鍋煮。一煮滾之後可以食呀，味道不錯。