銓滿記餐廳小廚 (已結業)

前排有同事介紹呢度食海鮮煲仔飯，好似好吸引，所以同女友來開呢一頭，決定去試一試，呢間野茶記隔局，但都多人, 七點來到都有人一齊係門口等位，晚上食要搭枱食。海鮮類煲仔飯其實選擇唔多，另外仲有其他小菜同特色野如魚翅撈飯.今次目標係食海鮮煲仔飯, 所以叫左2個SET1)     豉汁帶子煲仔飯 ($85)2)     古法黃鱔煲仔飯 ($70)個SET跟個老火湯同菜個老火湯好正，相信好多食客都係想為啖湯來，個菜來左一碟，呢到ｄ菜係一碟咁上，你人多ｄ就俾多少少你。事源當我地見到我地碟菜同對面一個人個碟一齊來既時候，分量又差不多，再問個似老闆娘既人欠一份時，佢就話已經加左俾我地，咁只好食啦。兩個煲仔飯都幾好味，料既份量係呢個價錢都算多，個豉油又調味得好好，不過兩個人食兩個煲仔飯就有ｄ多，見有其他人食魚翅撈飯，好似幾好味，會再來，下次應該會叫個煲仔飯再加小菜。食完好快俾人收曬Ｄ野俾人收枱俾下位。