La Postre (永樂街) (已結業)

琴晚同朋友慶祝生日,本身諗住book尖沙咀果邊,點知好full,walk in 入去都要去到9點先有位,咁就轉左黎上環呢間食,呢間餐廳好近地鐵站好易搵,上到黎就見到好靚既佈置,入到餐廳唔算好多人,大概5枱客人左右,我地被安排到卡位,叫左個煮蜆,單骨雞翼,同埋海鮮飯,個煮蜆賣相好吸引,食落都有蜆既清甜味道,落左少少煙肉吊吊味,我自己覺得少d肉都ok,覺得咸左少少,不過d湯都幾好飲單骨雞翼好入味,灑左少少香草,感覺清鮮d~同埋單骨雞翼食起上黎方便d,岩晒女士😋呢個海鮮會飯簡直有煥然一新既感覺,飯用鍋上,好有homemade感,蝦,青口,蜆全部都鋪上去個飯到,好足料,飯仲有粒粒既青紅黃椒,為飯增加口感,個飯應該加左少少辣椒仔tabasco,少辣少酸好開胃👍🏻最後,女士們話要食甜品,就叫左呢個什果waffle,waffle好細心切開左一件件心型,加埋糖漿,同waffle內既麻糬好match,不過芒果就酸左dd,整體唔錯我地都好慶幸黎左上環,如果去尖沙咀果邊,應該會多人d,同埋rush d坐唔到咁耐,推薦👍🏻