影片
更多
2018-10-09
463 瀏覽
秋風起梗係同老公去打邊爐啦~知道老公鍾意食海鮮，特登搵咗呢一間。其實黃埔附近真係好多嘢食，但見佢餐廳光猛乾淨又闊落，就即管試下。坐低揀咗湯底之後就可以自己溝醬料。我哋揀咗粥底海龍王鍋($268)個鍋包六款海鮮，有蝦，蟹，蜆，鮑魚，貴妃蚌同象拔蚌。鍋底係米水，清清地可以試到海鮮原味。蝦新鮮彈牙，貴妃蚌大大隻啖啖肉，蟹有超多膏。總之新鮮嘅就一定好食㗎喇~我哋仲叫咗唐生菜($32)同蓮藕片($32)。另外叫咗個手打三寶丸($92)。有墨魚丸，蝦丸，鯪魚丸。最好食係手打墨魚丸，真係有粒粒墨魚喺入面。食曬呢啲嘢就同店員講要加飯。因為我地無落肉，淨係得海鮮同菜，所以煮出黎個粥好鮮甜。職員仲幫我哋加埋蔥同大頭菜，食埋個粥就係最完美嘅結局喇。總結係，舒適好坐，食物新鮮，適合三五知己一齊烚下烚下。
其實黃埔附近真係好多嘢食，但見佢餐廳光猛乾淨又闊落，就即管試下。
坐低揀咗湯底之後就可以自己溝醬料。
我哋揀咗粥底海龍王鍋($268)
個鍋包六款海鮮，有蝦，蟹，蜆，鮑魚，貴妃蚌同象拔蚌。鍋底係米水，清清地可以試到海鮮原味。
蝦新鮮彈牙，貴妃蚌大大隻啖啖肉，蟹有超多膏。總之新鮮嘅就一定好食㗎喇~
我哋仲叫咗唐生菜($32)同蓮藕片($32)。另外叫咗個手打三寶丸($92)。有墨魚丸，蝦丸，鯪魚丸。最好食係手打墨魚丸，真係有粒粒墨魚喺入面。
食曬呢啲嘢就同店員講要加飯。因為我地無落肉，淨係得海鮮同菜，所以煮出黎個粥好鮮甜。職員仲幫我哋加埋蔥同大頭菜，食埋個粥就係最完美嘅結局喇。
總結係，舒適好坐，食物新鮮，適合三五知己一齊烚下烚下。
張貼
