壹火鍋

營業中

休息中

火鍋店位於旺角兆萬中心，地理位置方便，啱曬一班朋友聚腳。海鮮船非常之出色，好值得追加去食。 海鮮非常之生猛， 蝦有四隻，仲見到佢啲腳仔度郁下郁下。鮑魚帶子生蠔各兩隻， 鮑魚大大隻啲肉勁厚身，煮熟咗之後好爽口，唔會話好韌。 另外仲有啲魚肉同蚌肉， 每位都只係加50蚊，好抵食。極尚肥牛拼盤，有srf和牛肉，封門柳同牛小排等等， 選擇幾多，質素不俗。醬料自助吧嘅選擇非常之多， 我自己攞咗啲皇後醬再溝啲蔥油同蒜蓉， 配上肉類嚟食可以帶出肉類油脂嘅香味，非常之惹味。甜品方面，有coco berry嘅海鹽味同雲呢拿味雪糕，另外仲有啲韓國嘅雪條。 cocoberry嘅海鹽味雪糕入口鹹鹹地，後韻又帶些少甜味，幾特別。雖然甜品種類比較少，但整體仍然瑕不掩瑜， 值得嚟食。