御龍軒 (裝修中)

天氣凍冰冰，最好同三五知己一齊打邊爐🍲。今次去咗灣仔嘅御龍軒，佢哋剛剛推出左一個海鮮蒸氣火鍋套餐📔，有好多不同海鮮俾你選擇，例如肉蟹🦀、象拔蚌、鮑魚、花甲🐚、大元貝等⋯啲海鮮好新鮮，全部即撈即劏。另外，仲有好多平時既火鍋配料俾你揀，加埋時令菜盤🥗，同埋鴛鴦撈飯，每人都只係＄350(另加一收費)。▫️食法：個火鍋蒸籠有兩層，首先會用蒸籠蒸熟晒你揀嘅海鮮，等啲海鮮精華流落個火鍋湯底😋，然後將選擇好嘅火鍋配料煮熟。食晒啲火鍋配料之後，將熟既米飯🍚加入火鍋湯到煮，最後配上炸米通就完成啦。▫️順帶一提，其實個火鍋湯唔會太肥，因為餐廳嚴選火鍋配料，啲食物唔會太肥膩🤔，所以可以放心食個火鍋湯鴛鴦飯。