九重鮮 (已結業)

今日去咗黃埔依間韓國餐廳，食蒸海鮮 加串燒放題。地方好大有包廂座，裝飾得 韓國特色，仲有韓服借出試著影相，大人細路尺碼款式都齊備，滿足曬我嘅打卡引癮。餐廳以放題形式分$198, $268和$398三款，平日任食210分鐘。 我哋就揀咗每人$268，包龍蝦、帶子、鮑魚，可任食海蝦、蜆類和 串燒烤肉。先嚟蒸海鮮，波龍開邊蒸，新鮮爽口彈牙，啖啖肉大快朶頤。帶子鮮甜，肥美肉厚。鮑魚肉質煙韌有嚼口! 海蝦無限添食 清蒸新鮮爽甜， 蜆類有四款，設有撈蜆區，可自行選擇喜愛蜆類!串燒烤肉 有牛肉、雞肉、豬頸肉、燒雞腎、雞軟骨、燒菠蘿、金菇菜，多不勝數，仲有天婦羅。 個人最喜歡 燒煙肉露筍卷，油脂甘香，鹹度適中，蘆筍鮮甜嫩滑，好食到忍唔住添左幾次！放題唔少得飲品，有紅酒、白酒、清酒、汽水、啤酒任飲。設有沙律吧，有爆谷、豆腐花，有幾多選擇！蒸氣鍋最後梗係有個粥啦！咸豬手、泡菜做粥底，正宗韓國風味，加上海鮮嘅精華，雖然已經好飽都忍唔住食咗兩碗。今次真係大滿足了！