漁港薈 (已結業)

澳門逸園中心喺銅鑼灣sogo隔離, 成棟大廈大部分都係日本料理, 有間新店 漁港薈 主打蒸海鮮、小菜, 行完街梗係去試下！自家燉湯有蟲草花、圓肉、雞腳、瘦肉, 無味精自家燉製, 香味濃郁, 滋補養顏！紅燒乳鴿外皮香脆, 肉質嫩滑, 肉汁豐盈, 一撕開有爆汁嘅效果！川辣炒蟹招牌辣蟹, 名不虛傳！辣味滲透蟹肉, 非常入味, 特別是頂角蟹膏, 濃郁醇厚, 令人垂涎欲滴！海鮮拼盤韓國大鮑魚、蘇格蘭蟶子皇、紐西蘭帶子、法國多寶魚、海蝦、大蜆。材料新鮮豐富, 蟶子皇爽口彈牙啖啖肉、多寶魚幼滑鮮嫩重魚味、海蝦鮮甜油蝦膏。安格斯肥牛油脂分佈均, 開蓋蒸一蒸就啱啱好, 半生熟鮮甜軟嫩, 入口即化！粗糧拼盤有蒸粟米、芋頭、蕃薯！粟米超清甜, 芋頭夠晒粉有芋味, 番薯軟嫩有飽足感！