老友記喜點 (已結業)

住荃灣，特登約朋友入元朗打邊爐，朋友住將軍澳。我地去左朗屏西鐵站天橋底老友記喜點食海鮮豬骨煲。首先上點心，几新鮮，自己做，早上係飲茶，所以點心睇得出几靚豬骨煲出場，份量十足，有蝦，花甲，魚，豬骨，炸芋頭，枝竹，豬肚，酸菜，仲有白胡椒，啲湯奶白色，好鮮甜，個個飲左一碗，好飲火鍋料好吸引，有海鮮，都好新鮮朋友好鍾情手打丸，話未食過咁足料咁爽口，特別係手打牛肉球，的確好食，加左兩次另一個朋友鍾意飲啤酒，開心最後仲有甜品桂花糕，唔甜，清新，呢餐好滿足。每位208，無加一