正宗水上人氣鍋專門店 (已結業)

蒸氣海鮮興起左一段時間，一直都吸引到一班海鮮迷，咁啱上網見到有個節目介紹過呢間位於旺角砵蘭街既蒸氣海鮮，好似好正咁，襯放假梗係要去試一試啦。呢間舖有三層，都裝修得幾靚，我地就安排左坐地下呢層既卡位，坐得好舒服而且張台夠晒大。坐低第一時間見到個大蒸籠，呢個用竹整既蓋好特別，餐牌方面主要都係以套餐為主，我地就揀左個B餐，另外再order左個椰青，椰青清甜而且椰子肉好滑，正！醬料方面有好多選擇，自己鍾意點調味都得鑽石硯、花甲王、胭脂蚌花蟹仔南非龍蝦黑松露扇貝、聖子王、象拔蚌見到都已經好想食喇蒸海鮮太熟就會唔好食，雖然有計時器，但始終我地唔係好熟手，所以店員都會好窩心咁幫我地蒸，計時器一響就會幫我地上埋碟，完全唔使落手，坐係度等食就得龍蝦啖啖肉、蟹好嫩、鑽石蜆彈牙、胭脂蚌鮮甜、花甲王飽滿象拔蚌鮮甜、黑松露同扇貝好夾、好嫩滑，聖子王夠爽口。雪花和牛嫩滑，好有牛味。蔬菜我地就揀左好少食到既冰菜，上面鋪左既肉碎同冰菜味道好夾，好好味。食晒所有野之後就到壓軸既粥底喇，南瓜豬骨粥好清甜，d粥煲到好綿，二人份量啱啱好。呢餐真係食得好滿足，全部海鮮都非常新鮮，而且店員個個都好好笑容好有禮貌，招呼周到，真係價