影片
更多
2017-01-05
5402 瀏覽
喺2016年嘅年尾, 黎到近排好hit嘅御前大江戶食磯燒海鮮日式放題!!!!! 對於勁鍾意食海鮮嘅我, 真係好好好期待呀!!!一早就預約左6點嗰個時段, 佢嘅磯燒海鮮放題收費都比較簡單, 分左2個時段。食物嘅選擇係一樣嘅。我地係選擇6-830pm 呢個時段。之前有同事食過話book左都要喺出面排隊等入座, 所以我地都早左10分鐘上去排隊。地點好方便, 位於亞太中心(即apm) 隔離嗰棟好多食肆嘅大廈。早左上去已經見到一條長長嘅龍, 排到打蛇餅, 好彩有位朋友早我地5分鐘上去, 先排前少少。成個樓層都係間餐廳嘅, 所以佢地裝修得好日式, 等lift lobby裝修到好似日式小街甘, 都幾得意。大概5點55分開始入座, 安排左最後嘅窗邊卡位, 有2邊窗, 可以有2邊窗台擺袋同衫等。餐廳用tablet點菜, 既方便又環保! 抵讚點左刺身, 燒物, 壽司同海鮮!!! 刺身方便都係大路嘅三文魚, 油甘魚, 甜蝦, 帶子等等可以選擇, 款式都算多。食落都新鮮, 甜蝦大隻, 帶子都鮮甜嘅! 可以再encore~呢間餐廳最出名嘅海鮮拼盤!!! 見到都雙眼發光呀! 呢個海鮮拼盤唔係放題任食, 按人頭,
一早就預約左6點嗰個時段, 佢嘅磯燒海鮮放題收費都比較簡單, 分左2個時段。食物嘅選擇係一樣嘅。
我地係選擇6-830pm 呢個時段。之前有同事食過話book左都要喺出面排隊等入座, 所以我地都早左10分鐘上去排隊。地點好方便, 位於亞太中心(即apm) 隔離嗰棟好多食肆嘅大廈。早左上去已經見到一條長長嘅龍, 排到打蛇餅, 好彩有位朋友早我地5分鐘上去, 先排前少少。成個樓層都係間餐廳嘅, 所以佢地裝修得好日式, 等lift lobby裝修到好似日式小街甘, 都幾得意。大概5點55分開始入座, 安排左最後嘅窗邊卡位, 有2邊窗, 可以有2邊窗台擺袋同衫等。餐廳用tablet點菜, 既方便又環保! 抵讚點左刺身, 燒物, 壽司同海鮮!!!
刺身方便都係大路嘅三文魚, 油甘魚, 甜蝦, 帶子等等可以選擇, 款式都算多。食落都新鮮, 甜蝦大隻, 帶子都鮮甜嘅! 可以再encore~
呢間餐廳最出名嘅海鮮拼盤!!! 見到都雙眼發光呀! 呢個海鮮拼盤唔係放題任食, 按人頭, 每人俾一份!!! 如果encore, 就要俾錢喇。今晚有珍寶蠔, 元具, 蟶子皇, 大蝦同甲羅燒。甲羅燒佢係2人俾1份, 所以雙數人黎會著數啲, 我地5人係俾左2個渣!!!
個爐唔算好大, 放到3隻元貝同3隻蠔(隻蠔係大過手機架!!!!!)。呢個海鮮拼盤好好味!!! 全部海鮮都好新鮮朋同鮮甜, 蟶子皇勁正, 好大隻!!! 珍寶蠔我覺得比較難燒, 因為佢嘅殼凹凸不平, 成日洗走哂啲汁! 甲羅燒係有啲蟹膏, 蛋, 蟹籽嘅, 呢個燒起黎好香, 而且食落好味, 唔太咸!!! 好想叫個白飯撈黎食。
啲大蝦勁大隻!!! 蝦係用竹籤串好俾我地燒, 都細心!!!
佢有張教學教點燒嘅, 所以唔識嘅朋友可以放心。每一枱都有支清酒同鹽可以俾大家一路燒一路加落啲海鮮度, 仲有1隻夾同食蟹肉嘅工具俾大家用嘅。燒嘅時候可以加多啲清酒, 甘樣會比較juicy d! 仲有個爐係會火力唔均勻嘅, 所以燒得有啲慢。磯燒海鮮都有幾款貝類, 例如刀貝, 黃金蜆, 蕃薯蜆, 海蝦, 魷魚等海鮮同蔬菜可以選擇。清酒蜆唔錯, 有少少沙。刀貝就3隻都有沙。黃金蜆同蕃薯蜆冇沙之餘都幾鮮甜!!! 海蝦都彈牙, 唔霉。
海膽粥真係必食呀!!! 勁好味!! 佢會黎一個煲仔上湯, 1碗白飯, 1隻生蛋, 2片海膽, 蔥同少少蟹肉。記得將上湯加飯煮到"棉"先, 之後先落海膽, 蟹肉同蔥, 最後熄火加蛋。勁鮮勁正!!! 我地每人食左2碗呀!!!!另外仲叫左佢地嘅特色壽司, 細細粒都幾得意, 味道唔錯! 灸燒壽司都幾好, 有個灸燒芝士蟹棒嘅蟹棒都大舊同鮮, 但略嫌咸左啲。仲有燒物同天婦羅, 燒牛舌同牛柳粒都好好味, encore過。朋友話天婦羅蝦都好味, 蝦彈牙, 我試左天婦羅海膽都唔錯同得意, 熟左嘅海膽有啲似蛋黃呢, 值得一試。
飲品, 有啲小食同甜品方面都係自助嘅。自助區喺門口左面。有好多唔同嘅甜品, 例如: 木糠布甸, 牛奶布甸, 芝士蛋糕, 泡芙等等。仲有熱湯同中式糖水, 當晚喺蕃薯糖水。雪糕有兩個凍櫃, 有甜筒, mega, 雪米糍, 雪糕杯等, 都多唔同口味同款式選擇!!! 飲品方面有幾個大凍櫃自己拎, 啤酒汽水罐裝茶任拎, 種類真係多到唔記得, 仲有熱飲俾大家, 好貼心。
環境方面: 成間餐廳都好大, 因為坐卡位, 所以唔會逼。就甘睇, 其他座位都唔會好似其他放題甘逼。仲有2-3間獨立房可以book, 但唔知要幾多人先可以book la.
服務方面: 侍應們有禮貌, 執碟都快手嘅同佢地會睇一睇我地燒成點, 教下點燒。另外都有落單嘅情況出現, 但唔算嚴重。如果可以睇返之前落單嘅資料會更加好, 因為唔會再重覆落單。
一句講哂, 勁想再食呢間呀! 度期再食先!!!
張貼
