火鍋煮場 (已結業)

今晚來了這間火爐店來個海鮮邊爐盛會，估唔到深水埗區都有食材高質素的火鍋店。話明係海鮮盛會一黎就叫咗個龍蝦刺身，仲兩食埋。龍蝦刺身夠晒爽口，真係活龍蝦刺身，因為我地就坐喺魚缸同刺身師傅旁邊睇住佢整，$880黎講都算大隻。之後個龍蝦頭同埋D腳嗰D就椒鹽，都幾惹味。大隻蟶子都好好食，勝在夠新鮮，一人一隻，每隻都連少少粉絲。我打邊爐好鍾意叫脆肉鯇魚片，貪佢有好爽嘅口感。即叫即炸紫菜響鈴，黎到時仲熱辣辣，就咁食或者放落湯滾佢一滾都一樣好味道。牛肉都幾靚，唔算好肥。牛白肉反而好好食，雖然有D人話係脂肪，不過又無食過D脂肪咁爽口。呢個三拼都好食，有水餃雲吞同韭菜餃，三款都係自己包，夠晒足料，而且D料都新鮮。最後想講呢間野衣家有個好誇張嘅啤酒Promotion，$100可以飲100支德國啤酒，兩個月內有效，$1一支，打邊爐飲野唔洗就住就住了。