龍皇酒家 (世貿中心) (已結業)

今日晚上同屋企人嚟到銅鑼灣龍皇，四個人一枱睇睇下佢啲小菜嘅同時，見到有個menu幾有趣，主要應該係啲海鮮配sake做一個配搭，反正我同屋企人都會飲酒嘅，就一於叫一支黎試吓。🥰佢就指定咗呢一個$168龍醬炒日本帆立貝，配一支$268嘅川波吟釀，上到黎賣相就一般般，純粹炒埋一碟咁，但帆立貝大大粒又鮮甜，時蔬亦都好入味，炒到啱啱好，帶子唔會食緊橡皮咁。配嘅呢支酒中和咗少少濃烈嘅醬味，而且大少少花果香氣，提升帆立貝嘅鮮味😯估唔到跟住佢哋嘅配搭都會食出另一番滋味。