食鮮

營業中

休息中

今日悶悶地約左友人去食飯，比我發現左呢間餐廳，可以睇波之餘，重可以飲啤酒，還可以食刺身。晚餐都有，重有燒烤串燒添，真係一舉多得。一入去店長好好人，已經送左碟甜蝦刺身比我地食，點啲檸檬汁食鮮味好出。之後我地叫左個蒲燒日本原條鰻魚丼，賣相超靚，成條鰻魚上，令外有啲玉子同咪蟹柳絲，配合咪一齊口感都唔錯，啲飯撈滿曬燒汁，好好味。而且好大碟，食完已經好飽。令外呢個係套餐黎，跟咪個小食，我地選左祕制汁八爪魚，有一估芥末既味道，唔會好辣，味道岩岩好。再跟咪一罐汽水。之後我地叫左啲海鮮，鹽燒海花竹蝦，外皮有啲海鹽黎燒，食落好金香。個蝦殼燒得好脆。蝦肉有啲牛油味，唔錯。之後叫多個醬油蟹試下，出面勁貴，呢道百幾蚊就有交易。清理乾淨就上碟，點啲醬油食鹹鹹地都幾新鮮。我第一次食味道都幾好。食完之後可以坐底睇下波，飲下啤酒都係唔錯既選擇。