越華會海鮮小館 (已搬遷) 新店位置

環境3分：正常中式酒樓格局，人多坐得好迫，又嘈，三分。衛生3分：地方都叫整齊，張枱上有紙有牙籤，正常三分。服務3分：樓面阿叔態度都算正常，又夠快手，都係三分。味道4分：1)      豉油王炒麵炒得比起出面其他酒樓乾身，算最好食，食落唔係十分之油膩，食大半碟都唔覺得成口好油。2)      避風塘炒蟹叫左小辣，食辣蟹如果唔辣就不如唔好食，但係小辣就已經對我黎講非常之辣，隻蟹都算肥大。碟上超多蒜蓉，兩隻大大蟹鉗，蟹身食下食下都算多肉，唔錯。3)      蝦多士總共有八塊，炸得乾身，隻蝦都算ＯＫ大， 多士嚟講絕對合格。抵食4分：兩個人食左唔使千二蚊就有兩個餸加靚蟹食，有啤酒飲，可以畀四分。