潮福蒸氣石鍋 (已結業)

食海鮮蒸氣鍋一向係高消費，呢個半任食埋單一位要近$400，雖然都係唔平，但海鮮質素不俗，套餐都幾豐盛，總冇單點咁肉赤。蟶子皇真係有成隻碟咁長只係落咗少少粉絲同蒜蓉調味，已經十分好味。每位半隻龍蝦，唔算大隻，但真係啖啖肉，唔洗用手都可以成舊肉抽出嚟，爽每位半隻乳鴿，雖然唔明同蒸氣鍋有咩關係，不過係好味嘅任食meau唔算太多選擇，其中最出色嘅係和牛粒，用咗少少黑椒調味，齋蒸都唔會過份清淡，細細粒易入口，而且肉質一啲都唔韌。全程有專人serve，擺餸計時上碟一條龍，坐定定有得食。不過全部一輪輪咁蒸，冇得自己揀食咩先，而且將近尾聲嘅時候所有嘢一次過擺落去蒸，生菜都蒸到入口即溶，時間方面實有需要再拿捏一下喇。