影片
更多
2022-12-21
109 瀏覽
呢排好鬼凍, 朋友想食海鮮, 我又突然好想食熱辣辣串燒點算! 點算! 最終搵左蝦蝦燒, 一次過滿足哂我地兩個嘅要求, 用餐時間2.5小時, 實夠我地慢慢傾慢慢燒。一入門口, 果個海鮮台好吸睛, 帶殼類有鮑魚,生蠔,蜆,沙白,貴妃蚌,東風螺,帶子,扇貝,蟹等..魚類有𩶘魚,黃花魚,深水泥鯭,三文魚等, 而且仲有我最愛大大隻魷魚,好想整燒尤魚再點泰式辛辣汁啊!行前DD, 飲品櫃好多款式,串燒櫃都有4大個。除左好多腸類,仲有牛柳粒,腩肉串,牛扒,羊鞍,雞翼亦有全翼同中翼,唔同口味都有 蔬菜類除左有燒烤必食既燒菠蘿同茄子,仲有粟米,翠肉瓜,南瓜,什菌,豆卜,青椒,蕃薯仔, 好多我都好想食,真係未出發先興奮。因為爐面夠大,而且仲有雙層, 熱力好夠, D海鮮同串燒話咁快就熟哂, 燒大腸同燒雞皮上面既油仲係度沸騰緊,香到飛起,個串鱔片不得了,燒到脆卜卜,油香好足,好掂啊!!海鮮果邊都無令我地失望,因為係即撈即燒,真係好新鮮,蝦頭好多紅卜卜既蝦膏,蝦肉鮮甜爽彈,鮑魚大大隻厚實彈牙,D蠔加左牛油同蒜蓉超惹味，貴妃蚌好鮮甜,平時買1斤食可以唔夠喉, 買多又食唔哂, 今次真係可以按個人喜好,樣樣都食D。最後
一入門口, 果個海鮮台好吸睛, 帶殼類有鮑魚,生蠔,蜆,沙白,貴妃蚌,東風螺,帶子,扇貝,蟹等..魚類有𩶘魚,黃花魚,深水泥鯭,三文魚等, 而且仲有我最愛大大隻魷魚,好想整燒尤魚再點泰式辛辣汁啊!行前DD, 飲品櫃好多款式,串燒櫃都有4大個。
除左好多腸類,仲有牛柳粒,腩肉串,牛扒,羊鞍,雞翼亦有全翼同中翼,唔同口味都有 蔬菜類除左有燒烤必食既燒菠蘿同茄子,仲有粟米,翠肉瓜,南瓜,什菌,豆卜,青椒,蕃薯仔, 好多我都好想食,真係未出發先興奮。
因為爐面夠大,而且仲有雙層, 熱力好夠, D海鮮同串燒話咁快就熟哂, 燒大腸同燒雞皮上面既油仲係度沸騰緊,香到飛起,個串鱔片不得了,燒到脆卜卜,油香好足,好掂啊!!
海鮮果邊都無令我地失望,因為係即撈即燒,真係好新鮮,蝦頭好多紅卜卜既蝦膏,蝦肉鮮甜爽彈,
鮑魚大大隻厚實彈牙,D蠔加左牛油同蒜蓉超惹味，貴妃蚌好鮮甜,平時買1斤食可以唔夠喉, 買多又食唔哂, 今次真係可以按個人喜好,樣樣都食D。
最後食返杯雪糕為今次呢個瘋狂晚餐劃上完美句號。
今餐同朋友都真係捧住個肚走,大滿足啊！ I will be back!!!
張貼
