Running 燒 (已結業)

堂食終於都開返，book咗好想試嘅將軍澳Popcorn Running 燒，收工時間過去啱啱好，地點超級易搵，等齊朋友之後好快可以入座 一入到去寫紙量體溫之後店員就招呼我哋坐低，環境好好，好寬敞俾人感覺好乾淨，好舒服已經增加個食慾，用二維碼掃描點餐，揀選自己所需的份量，出邊還有很多前菜，岩曬肚子餓既朋友，上菜速度好快，我哋嗌晒所有肉試，我哋食咗炸雞先，嗌咗特辣炸雞同埋柚子炸雞，辣炸雞真係好有驚喜連食得好辣嘅朋友都話好有辣度，柚子味炸雞超級fresh ，超級鍾意呢種味道，感覺吾會膩等齊啲肉類同埋海鮮到齊，就開燒啦～最值得一提嘅係燒芝士蠔同埋燒生蠔同扇貝，好超級新鮮，多汁， 肉類最推介嘅就係燒牛脷同五花腩，有齊海鮮嘅燒肉店真係好少見，而且份量係你寫幾多俾幾多，呢個超讚，我感覺所有肉類都唔差，好多款式，因為係任食，但大家記住要量力而為唔好浪費食物。