澳門茶餐廳

營業中

休息中

未抽到時間搭船去澳門，留喺香港都可以食到正宗澳門小食🤓 一次過食埋我最鍾意嘅海鮮😍 平時我極少食茶餐廳，但呢間既食物、環境定衛生質素都幾好！✨清蒸龍躉仔 $268推薦！幸福到爆炸🤤 龍躉仔好滑嫩，啖啖肉，唔多骨。醬汁係靈魂，就係平時酒樓食開鹹鹹甜甜嘅蒸魚豉油口味！✨葡式蛋撻 $13某間連鎖店長期有人龍，但呢度嘅葡撻都唔會輸喎。撻皮薄而酥脆，主要係奶同牛油香氣，甜度不會太高。✨咖吔砂糖鮮油豬仔包 $24重口味邪惡之選，香脆嘅豬仔包，同時食到咖吔醬同牛油味。✨咖喱薯仔湯麵 $36同平時食開嘅雲吞麵係同一款麵條，微辣口味，呢個價錢嚟講份量十足。✨原味樽仔冰鎮奶茶 $26推薦！幾乎每一枱都會叫嘅冰鎮奶茶，味道非常「港式」，唔會過分甜膩。以鐵罐裝住冰塊，而唔係將冰塊直接放落奶茶，味道飲到尾都可以保持，唔會變淡。✨馬拉盞炒時蔬 $70調味比例恰好，唔會炒得過老。