喜記蟹將軍

營業中

休息中

之前食過港島嗰邊嘅分店覺得好好食，所以約咗屋企人嚟尖沙咀店食晚飯。尖沙咀店喺美麗華商場2期，交通好方便。我哋嗌咗個青瓜拌海蜇做前菜。青瓜、海蜇口感爽脆，有啲麻油味同醋酸味道好開胃同好有層次。之前我哋試咗佢哋嘅招牌炒辣蟹，今次試下同樣有特式嘅「招牌蟹油炒麫」。麵條口感彈牙，加上佢哋嘅招牌蟹油香氣十足。芽菜、蔥段嘅加入令味道更加豐富。同埋亦提供咗一啲口感上嘅層次。我哋都好鐘意嗰種鹹鹹香香嘅味道。我哋仲叫咗個薑蔥生蠔煲。蠔肉隻隻都好大好飽滿，味道鮮甜，仲有啲海水味，令人充滿食慾。陣陣薑蔥香味道好吸引，特別啱配白飯食。