影片
更多
2021-07-16
20 瀏覽
記得之前去過胡爐食高檔單點火鍋，原來而家已經變咗做半放題，好似仲好唔使諗一輪要食乜嘢！🤣首先店員會叫我哋揀一款煲底，包括有惹味雞煲、胡爐醉鴨煲同埋黑白胡椒卜卜蜆煲，個人偏好比較鍾意食雞煲，所以就揀咗呢一個。店員一將個雞煲放上枱，見到醬汁好濃稠，一陣香氣，見到雞件嘅份量多得有啲誇張，對於兩個女仔來講實在有點多，而且呢度唔同其他雞煲咁大部份都係骨，而係啖啖肉，眼見好似好多都係雞腿肉添！🤪喺食咗幾件雞件之後，店員就端上兩客非常精緻嘅蠔皇鮑汁佛跳牆，佛跳牆入邊有螺片、花菇、鮑魚同埋娃娃菜，材料非常新鮮，而且唔會好難咬開，食得出用料非常高檔。👏🏻呢個套餐仲包埋時令海鮮拼盤同埋胡爐拼盤，即係肉拼盤，而最後亦都有手工丸餃拼盤。時令海鮮拼盤包括有大大隻而且啖啖肉嘅海蝦、非常肥美嘅廣島蠔，完全冇沙嘅蜆，一啲都唔難咬開而且非常新鮮嘅鮑魚，同埋大大隻嘅蚌😊至於胡爐拼盤就包括有澳洲和牛，牛舌心同埋黑毛豬豚肉，食到呢一度已經飽咗一半，因為雖然唔係任食和牛同黑豚肉,但係分量一啲都唔小,兩個女仔已經食到非常之滿足。😍手工丸餃拼盤就包括有黑松露墨魚丸、手打蝦丸、牛肉芝心丸,鮮蝦雲吞,xo醬帶子九同埋魚皮餃。佢哋嘅丸類
首先店員會叫我哋揀一款煲底，包括有惹味雞煲、胡爐醉鴨煲同埋黑白胡椒卜卜蜆煲，個人偏好比較鍾意食雞煲，所以就揀咗呢一個。
店員一將個雞煲放上枱，見到醬汁好濃稠，一陣香氣，見到雞件嘅份量多得有啲誇張，對於兩個女仔來講實在有點多，而且呢度唔同其他雞煲咁大部份都係骨，而係啖啖肉，眼見好似好多都係雞腿肉添！🤪
喺食咗幾件雞件之後，店員就端上兩客非常精緻嘅蠔皇鮑汁佛跳牆，佛跳牆入邊有螺片、花菇、鮑魚同埋娃娃菜，材料非常新鮮，而且唔會好難咬開，食得出用料非常高檔。👏🏻
呢個套餐仲包埋時令海鮮拼盤同埋胡爐拼盤，即係肉拼盤，而最後亦都有手工丸餃拼盤。
時令海鮮拼盤包括有大大隻而且啖啖肉嘅海蝦、非常肥美嘅廣島蠔，完全冇沙嘅蜆，一啲都唔難咬開而且非常新鮮嘅鮑魚，同埋大大隻嘅蚌😊
至於胡爐拼盤就包括有澳洲和牛，牛舌心同埋黑毛豬豚肉，食到呢一度已經飽咗一半，因為雖然唔係任食和牛同黑豚肉,但係分量一啲都唔小,兩個女仔已經食到非常之滿足。😍
手工丸餃拼盤就包括有黑松露墨魚丸、手打蝦丸、牛肉芝心丸,鮮蝦雲吞,xo醬帶子九同埋魚皮餃。佢哋嘅丸類同水餃都係自家製，所以喺出邊食唔到呢一種味道，推介！😄
我哋加咗每位$38啤酒汽水任飲，款式非常之多，有唔同嘅茶類、啤酒同埋汽水、玉露系列。
既然係半任食邊爐，又點可以唔試吓其他任食配菜呢，我哋最後揀咗超甜粟米、新鮮炸響鈴同魚皮，日本蟹柳同埋個人超級超級推介嘅墨魚鬚同牛柏葉，墨魚鬚超級新鮮而且非常大條，就好似喺出邊食緊脆炸魷魚鬚咁啖啖肉，大家一定要黎試吓，包你一定唔會後悔！😈
估唔到胡爐轉咗做半任食火鍋，啲食材依然咁新鮮同高質，抵讚！👍🏻
張貼
