地中海休閒餐廳 (已結業)

之前見到話呢間黃店告急就梗係支持下💪🏿佢位置係比較隔涉既 係浸大仲要行入少少 但千其唔好因為佢既位置而錯過間性價比幾高既餐廳 book定枱仲有機會送甜品嫁👅扭扭薯條我地膽粗粗問佢地可唔可以轉松露蛋黃醬 佢好好人咁話可以😻上到黎真係嚇親寶寶 勁大兜絕對夠四至六人食 睇返個價錢真係好抵食🤝而且熱辣辣又脆身🙀松露蛋黃醬好夾 勁啱我呢啲松露愛好者👁️至於安格斯牛腹肉既份量唔多 但生熟程度煎得啱啱好 雖然我就覺得佢配既醬唔太match但都好食既 牛味好濃郁😧而伴碟既薯蓉好有驚喜 好香滑而且食落唔會好滯😇個卡邦尼意粉一上枱又係嚇親 好大碟 味道唔錯既但有啲太過creamy同太濃稠 少滯😫但個鵝肝好正 煎到個面啲咁多脆而佢既油脂同濃味扣住左係入面👻Tiramisu既手指餅同cheese係分開上 我覺得個手指餅太苦但我朋友話幾好 口味唔同啦可能🤫但我就咁食個cheese係幾出色 好滑味道又夠 又唔係勁甜個隻 正中我下懷😽呢間野唔係好貴 但份量真係好足 佢而家告急您唔係唔去支持下話✨