地中海休閒餐廳 (已結業)

呢間餐廳食咗四年，我覺得係浸大最高質嘅食堂，沒有之一，要好好補返張食評俾佢💛.講佢係浸大嘅食堂係因為佢位於浸大嘅校園入邊，但係都係一間好用心營業嘅餐廳，好有質素嘅保證，就算唔係浸大嘅學生職員都可以嚟光顧。（浸大學生職員可以有折扣）.餐廳環境風格好有地中海地區嘅感覺，午餐時段都差唔多坐左八成人，見到唔少學生三五成群一齊午餐。Bistro Bon 最出名嘅就係烤雞牛油飯，但係今次睇返餐牌好似改咗做香辣烤雞伴薯條，冇咗最出名嘅牛油飯😭😭，希望佢嚟緊會轉返餐牌啦！💛香辣烤雞伴薯條沙律雖然唔係最想食嘅烤雞牛油飯，但係呢隻烤雞都係同之前一樣皮脆肉嫩，仲加一啲香料係面，唔算太辣，好特別。薯條好脆，份量足夠👍🏻💛日式南蠻炸雞飯比起其他兩個主菜，呢個炸雞飯就有啲失色啦，首先我覺得醬料太少，炸雞塊表面太乾，亦唔係我食開嗰一款南蠻炸雞，佢比較似KFC嗰啲炸雞，但係偏乾💛菠菜雞肉忌廉意粉雖然已經畢咗業，但係一食親地中海嘅食物就諗返起仲係學生既生活，有機會都會多啲返嚟再幫襯，希望下次返嚟可以有返最出名嘅烤雞牛油飯啦