美味廚 (已結業)

唉！曾經風靡一時嘅排骨菜飯已經完全唔係果回事。排骨搞到冇晒味，D菜飯搞到黃咁咁好似焗咗幾個鐘咁，乜而家興老火飯咩?個酸辣湯又唔酸又唔辣，得個咸字，要加醋蓋過佢先飲得晒。鷄絲粉皮又唔爽滑，D麻醤完全占住個咀，乜味都冇，真失望！D樓面又不停咁打牙較，天南地北，又唔知地方細，好應聲。以前在銅鑼灣食真係好得多，唉!搞到呢度一D都唔似樣，我一定唔會再試！