炉端金 (已結業)

今次係第二次惠顧宵夜時段，入到去眼見飲品櫃空洞洞，就知中伏，主動問職員有冇楊枝甘露，得到回覆係晚市啲人飲咗好多，冇貨冇得refill！大佬，你搞得宵夜市段，係咪應該預留啲貨，確保每個時段都有得供應呢？唔駛人教呀！你哋又響各大報章食評話賣點，對於慕名而來的客人，我接受到限量供應，但接受唔到消失囉！另外你哋宵夜時段已經唔係九點半宜家係九點九，咪再唔導人喇。昨天我由入坐到真係有野食入口已經十點，到十一點你又話last order,我顧得住燒，又要追你刺身壽司，一個鐘頭食餐飯，唔止伙記倦，我都好倦。最hea就係食雪糕，忙足粒記鐘，究竟留唔留到回頭客，好難講。