迷客夏 (黃大仙中心南館)

營業中

休息中

今年夏天日日都熱到咁，出街冇耐已經成身汗，一杯消暑手搖飲品真係可以即刻幫手降溫☀️ 迷客夏Milksha係每次行過都忍唔住會買一杯既台式茶飲店，鍾意佢地用天然食材同鮮奶做飲品，唔用奶精味道純正好多！今次經過黃大仙分店即刻買咗呢兩杯飲品消暑：🔸手感芋圓芋泥鮮奶果然係no.1皇牌，芋泥綿密份量好多，中間有少少芋頭粒粒有咬口，加上煙韌芋圓口感好多層次，整杯飲品芋香奶香濃郁，亦好有飽腹感🤤🔸宇治焙茶鮮奶用上山政小山園焙茶調配，茶味濃郁醇厚但唔會太苦澀。用鮮奶調配令口感更順滑，奶香同茶味平衡剛剛好，茶控必試！