甘甘好蔗 (已搬遷) 新店位置

夏天咁熱嘅天氣去到旺角行街，梗係要飲番杯廢水，喺肥姐食完生腸墨魚之後見到隔離開咗間主打蔗汁飲品店，仲要無添加糖，比較健康，於是就試吓亦都可以為今日嘅天氣降降溫。我同朋友叫咗一個蔗汁青茶同蔗杯蜜瓜，我仲問咗店員可唔可以揀無糖，店員話其實我哋係添加糖可以飲到蔗汁嘅原汁原味。而家好少地方有蔗汁賣，呢度蔗汁仲可以選擇搭配唔同嘅生果，非常特別。蔗杯蜜瓜用上新鮮蜜瓜混合蔗汁，入邊會有果肉飲落去非常refreshing.蔗汁清茶就用上御翠烏龍青做茶底，茶底唔會蓋過蔗汁嘅香甜。最近仲做咗優惠，撕開包裝紙就會見到大家有冇中獎，有機會可以免費飲多一杯。原來甘甘好蔗亦都喺深圳開咗分店位於羅湖區，而家香港人放假有時都會上深圳食吓嘢，經過見到唔想成日飲珍珠奶茶都可以試吓。