Lucy's Cup (已結業)

黎到荃灣點可以唔去路德圍一帶搵好野食見到Lucy’s cup個鋪面咁少女pink，就叫左幾杯試👉🏽黑提沙冰夜晚既香港都係熱到發癲，即刻揀左杯沙冰！ 睇得到杯入面有黑提粒粒 有新鮮黑提既！唔洗擔心佢係假水果沙冰！飲落唔會話好甜/好酸，夠解渴😛 冰底既野飲真係冇得輸！👉🏽荔枝more more茶呢杯野大推！！！！估唔到入面有杞子，成杯野變得養生健康左😛😛一飲有濃濃既荔枝味，唔係好假既荔枝味，之後會有回甘！係茶味既after taste!dap多2口會飲得出杞子味！我叫正常甜度又未去到會甜到糖尿！呢杯誠意推介😋👉🏽珍珠白桃烏龍奶茶可能mami老了，鐘意飲水果茶多，呢味烏龍奶茶冇特別好impress到我，一開始點都係想試下點樣可以白桃加烏龍加奶茶。飲落口又唔會話好甜，但可能白桃比烏龍奶茶蓋過左，試唔到好濃烈既白桃味。不過珍珠真心好好咬口，唔係煮左十世既珍珠，好食！Overall 我都係會推薦呢間手搖！1️⃣唔貴2️⃣佢有良知💛💛💛3️⃣熱死辣辣既香港真係要呢啲涼心透既野飲先可以繼續係條街到生存4️⃣佢啲飲管係紙質飲管，我最鐘意環保架啦(⁎⁍̴̛ᴗ⁍̴̛⁎)