河內大娘越南餐廳 (已結業)

呢幾日熱到唔識形容，收工嚟到尖沙咀麼地道一帶同人交收，肚餓之際，入左嚟呢間幾有風味既越南餐廳。芒果鮮蝦米紙卷好適合夏天叫既小食，外層軟腍既米紙卷包住芒果、鮮蝦，蘿蔔絲等餡料，沾上醬汁一齊食，清新得嚟非常開胃。越南烤肉串烤肉串味道則相對濃味，不過又唔會太鹹，外層甘香，咬落肉味濃郁。香芧烤雞扒撈檬雞扒好大塊，亦好細心地切開做細份方便食，雞皮金黃色，咬落香脆，肉質亦幾滑嫩。撈檬啱哂咁熱既天氣食，配埋酸甜汁同埋炸蔥、蒜粒、蘿蔔絲等配料，滋味又開胃。香芧豬扒飯本身以係煎豬扒，原來係炸過的，豬扒都拍得鬆軟，唔會好難咬，食落香芧既味道都幾突出。蔥油配飯一流，食到好飽。蓮子龍眼冰龍眼果肉大粒甜美，蓮子帶微甘，健脾益腎，成杯飲品既甜度亦調得啱啱好。咸檸梳打入面有半個咸檸檬，飲落好爽，冰凍又消暑。