茶里 (希慎廣場) (已結業)

今日約咗朋友不過早到咗所以呢希慎周圍行下， 咁啱見到有奶蓋所以買杯坐低慢慢等， 鋪頭最低消費係每人一杯嘢飲， 所以我地買咗杯嘢飲之後就去咗希慎個花園平台度坐， 題外話， 花園平台仲有單車叉電好得意。😂 奶蓋算不過不失， 都算濃芝士味不過而家出色嘅奶蓋有太多， 冇特別太驚喜。 反而下面嗰個沙冰底，唔係溶得太快， 飲到底都有味道。唔似一啲飲完頭一浸， 就得返啲冇味冰嗰種。 不過可能因為地理位置， 所以其實佢個嘢飲都幾貴， 但係試一次都無妨嘅。 如果遇啱餐廳冇人， 入面舒舒服服咁坐應該都可以打下卡。