影片
更多
2020-01-08
1352 瀏覽
依日約咗個friend食飯，佢去完旅行俾手信我，所以我就佢去九龍灣啦😚。之前已經嚟過一次SuperNormal到食，呢晚諗唔到食乜就再食多次啦！估唔到餐廳weekday都坐到咁爆，我哋無book枱，除咗高枱外，得返一張普通枱😯。食物選擇好多，有🍢串燒、扒、意粉、飯、漢堡同小食等等。依到有另一個賣點就係有酒飲，手工啤🍺同cocktail🍸款式都超多，其中有啲cocktail個造型望落勁打卡able。不過依排我好頭痛、成日都好攰咁，所以就無飲到了😣。餐廳裝修其實都偏酒吧風，格調黑黑的，仲有好大個調酒area，我相信佢係九龍灣區內少數嘅酒吧餐廳🍹。睇完一輪餐牌，我哋都係覺得二人餐最抵食，二人餐有三款，其中$498嘅牛扒餐最吸引吧🥩。前菜係二揀一，我哋要咗日本櫻花蝦蟹肉沙律🥗，因為朋友想食沙律開胃。另一款可揀嘅前菜係法式牛肉批。是日餐湯係羅宋湯(定🍅蕃茄湯？)，味道偏酸，放工好攰嘅我都醒哂😂，哈哈；隨湯附送兩片蒜蓉包。套餐原來仲有一份日式池魚仔做小食🐟，份量幾多。魚仔細細條炸得幾香口，佐酒應該一流🤤。雖然魚仔成條連骨都食得，不過進食時都係要小心啲。主菜A係燒美國頂級肉眼牛扒配松露汁(12oz)
依日約咗個friend食飯，佢去完旅行俾手信我，所以我就佢去九龍灣啦😚。之前已經嚟過一次SuperNormal到食，呢晚諗唔到食乜就再食多次啦！估唔到餐廳weekday都坐到咁爆，我哋無book枱，除咗高枱外，得返一張普通枱😯。
食物選擇好多，有🍢串燒、扒、意粉、飯、漢堡同小食等等。依到有另一個賣點就係有酒飲，手工啤🍺同cocktail🍸款式都超多，其中有啲cocktail個造型望落勁打卡able。不過依排我好頭痛、成日都好攰咁，所以就無飲到了😣。
餐廳裝修其實都偏酒吧風，格調黑黑的，仲有好大個調酒area，我相信佢係九龍灣區內少數嘅酒吧餐廳🍹。
睇完一輪餐牌，我哋都係覺得二人餐最抵食，二人餐有三款，其中$498嘅牛扒餐最吸引吧🥩。
前菜係二揀一，我哋要咗日本櫻花蝦蟹肉沙律🥗，因為朋友想食沙律開胃。另一款可揀嘅前菜係法式牛肉批。
是日餐湯係羅宋湯(定🍅蕃茄湯？)，味道偏酸，放工好攰嘅我都醒哂😂，哈哈；隨湯附送兩片蒜蓉包。
套餐原來仲有一份日式池魚仔做小食🐟，份量幾多。魚仔細細條炸得幾香口，佐酒應該一流🤤。雖然魚仔成條連骨都食得，不過進食時都係要小心啲。
主菜A係燒美國頂級肉眼牛扒配松露汁(12oz)，🥩塊扒真係幾厚幾大塊，伴碟仲有堆蔬菜，其中有個炸芝士薯餅好好食🧀，成碟一個人應該食唔哂。牛扒我哋要咗五成熟，煮出嚟熟度應該都差唔多，邊位有少少筋，但整體唔算韌嘅。
主菜B係帶子龍蝦汁意大利飯，我自己幾鐘意呢個飯，夠creamy同夠鹹。除咗飯上面有兩粒帶子外，飯入面仲有🦞小龍蝦肉，唔錯唔錯😋，推介。
套餐係包兩杯餐飲，我哋要咗凍檸茶同凍檸水🍋。
總括嚟講，我哋食完成餐飽哂，個set都真係幾豐富嘅，乜都有啲😌。定價中等，但勝在份量多，味都ok。環境幾舒服，適合同朋友飲杯嘢、傾下偈，餐廳仲有幾張室外座位添；喺呢區附近真係無乜依類型餐廳。最後，我有少少建議俾餐廳XD，就係可以考慮賣埋甜品🍰，應該會受歡迎啊！
張貼
